ആണ്ട്ബലി അഥവാ വാണിജ്യവൽക്കരിക്കപ്പെട്ട വാവുബലി - യെ കുറിച്ച്
''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''''

സത്യത്തിൽ ആത്മാവിന് അന്നവും, വെള്ളവും ആവശ്യമുണ്ടോ? അറിയില്ല........!!

ഗീതയിലൂടെയും, ഭാഗവതത്തിലൂടെയും കേട്ട ആത്മാവ് എന്ന പദം - ദേഹം ഉപേക്ഷിച്ച് ദേഹി യാത്രയാകുന്നു. അവനവന്റെ കർമ്മഫലങ്ങൾക്ക് അനുസരിച്ച് നരകത്തിലോ, സ്വർഗ്ഗത്തിലോ എത്തപ്പെടുന്നു - രൂപമില്ലാതെ, സ്പർശ്ശനം സാധ്യമല്ലാതെ, തിരികെ യാത്രയില്ലാതെ.

വിധിക്കപ്പെട്ട നരക / സ്വർഗ്ഗ വാസത്തിനു ശേഷം നാരായണനിൽ മുക്തി പ്രാപിക്കുകയോ, പുനർജ്ജനിക്കുകയോ ചെയ്യുന്നു.......

നരനിൽനിന്ന് നാരായണനിലേക്ക് - ഓരോ ജീവന്റെയും യാത്ര...........

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

അപ്പോൾ ചോദ്യങ്ങൾ എന്താന്നു വച്ചാൽ;

നാരായണനിൽ മോക്ഷമടഞ്ഞ ആത്മാവിന് പിന്നീടെന്തിനീ ആണ്ട്ബലി അഥവാ പ്യത് തർപ്പണം?

പുനർജനിച്ചു വെങ്കിൽ മറ്റൊരു ദേഹമായ് പാരിൽ വസിക്കുന്ന ജീവന് ആണ്ട്ബലി അർപ്പിക്കാമോ?

പല ജന്മമുണ്ടെങ്കിൽ ആത്മാവിന് ബലിയർപ്പിക്കേണ്ടത് ഏത് ജന്മത്തിലെ പിൻഗാമികളാണ്?

കർമ്മഫലം അനുഭവിക്കാൻ സ്വർഗ്ഗത്തിലോ നരകത്തിലോ എത്തപെട്ട ആത്മാവിന് ബലിയർപ്പണം സ്വീകരിക്കാൻ സാധിക്കുമോ?

::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::::

സാഹോദര്യത്തിന്റെയും, ബന്ധങ്ങളുടെയും നിലനിൽപ്പിനും, ഓരോ വർഷങ്ങളിലും സംഭവിച്ച - സംഭവിച്ചേക്കാവുന്ന പിണക്കങ്ങളുടേയും, അകൽച്ചകളുടേയും പുനരേകീകരണമാകണം ഓരോ ശ്രാദ്ധ ദിനങ്ങളും. അത് സംഭവിക്കേണ്ടത് ആദ്യം സ്വ മനസ്സുകളിലും, സ്വഭവനങ്ങളിലുമാകണം. എന്നിട്ട് എല്ലാ ഉറ്റവരും, ഉടയവരു മായി കൂടി ചേരുവാൻ സാധിക്കണം........

ആരുടെയും വിശ്വാസങ്ങളെ ചോദ്യം ചെയ്യുന്നില്ല, ഇത് എന്റെ തോന്നലുകൾ മാത്രം......

'''''''''''''''''''''''''''''''''''''''''''''''''''''''
രാംജി പെരുമുടിയൂർ
''''''''''''''''''''''''''''''''''''''''''''''''''''''''

മുഖങ്ങൾ
""""""""""

യാത്രയിൽ, യാത്രകളിൽ ആദ്യം കണ്ണുകളിലും, പിന്നീട് മനസ്സിലും, അവിടുന്ന് ഹ്യദയത്തിലും കയറിയ കുറേ മുഖങ്ങൾ - ഒരു ചിലവ വളരെ വേഗത്തിൽ, ഒരു പലവ വളരെ കാലങ്ങൾ കൊണ്ട്............

പലതും പഠിപ്പിച്ച്‌ സ്വയമങ്ങ് ഇറങ്ങി പോയ ചില മുഖങ്ങൾ, നൊമ്പരങ്ങൾ............

ഒരു നാൾ തിരിച്ചറിവിന്റെ ഏതോ നിമിഷങ്ങളിൽ സ്വയം ഇറക്കിവിട്ട ചില മുഖങ്ങൾ, മറവികൾ..............

ഒന്നുമില്ലെങ്കിലും, ഒന്നിനുമല്ലെങ്കിലും ഒപ്പം ചേർത്തു പിടിക്കുന്ന ചില മുഖങ്ങൾ, വിശ്വാസങ്ങൾ..........

എന്റെ ഹ്യദയത്തിൽ ജീവിക്കുന്ന മുഖങ്ങളേക്കാൾ, എന്റെ മുഖം ജീവിക്കുന്ന ഹൃദയങ്ങളുടെ മുഖങ്ങളെ കണ്ടെത്തുവാൻ എനിയ്ക്കാകട്ടെ, സ്വപ്നങ്ങൾ...........

നൊമ്പരങ്ങളും, മറവികളും, വിശ്വാസങ്ങളും, സ്വപ്നങ്ങളും പേറി ഞാൻ യാത്ര തുടരട്ടെ, പുതിയ മുഖങ്ങൾ തേടി...........

 രാംജി പെരുമുടിയൂർ

°°°°°°°°°°°°°°°°°°°°°°°°°°°°